Mini liebi Angelina

Hüt vor genau zwei Jahre hani unwüssentlich wohl eine vo de prägendste Schritt vo mim lebe gmacht. A dem sunntig hani dich sErst mal id Ärm gna und küsst.

A dem Tag bini öppis ihgange, wovo ich mir nie het träume lah. Mir sind eus denn immer nöcher und nöcher cho, hend immer meh Sache zeme gmacht und hend ois immer meh anenand bunde. Endi letscht Jahr hemmer denn gmeinsam de Schritt vom Zemezieh gmacht.

Ich bin so froh chani min aktuelle Lebensabschnitt mit dir erlebe. Ich cham mer niemert anderscht a minere Site vorstelle. Während de letschte zwei Jahr bisch en essentielle Teil vo mim lebe worde und ich mues hüt feststelle - vor allem jetzt grad woni zRussland bin - dass ohni dich mir würkli öppis fehlt. Es fehled mir eifach dini Ärm wo mich am Abig umschlüssed, din Chopf wo sich a mini Bruscht kuschled und all die zärtlichkeite & nöchi wo ich mer vo dir gwöhnt bin.

Ich will dir uf oises zwei Jährige eifach sege, dass du mis Ein und Alles bisch und dass ich dich für immer wet a miniere site will ha. Du bisch für mich mittlerwile scho vill meh als nur e Fründin. Du bisch für mich scho chli e Lebenspartnerin und ich lueg positiv id dZuekunft ;)

Ich wünsch dir no en schöne Tag.

Liebe dich meeega fescht & dicke Kuss

Din Damien